James 4
1A Kni donu ɓe fye n na anyawuyi n guyia? Aɓo pwawo n na shakpe nukwoyi nu n ɓa fi fyemi ɓai sunkun n fyei nyi? 2Fye ye nya n fye to n cei lon, ntu cenu fyei wu aza ntuge fya bwa. Fyei wo anya she nʼza cei lo, to fyei bwan, ntuce fya Iya anya n guyi ntuge fya gwo ɓa kwo, Duk dalili n kwo zhin fyei to n nyayilo n fye ye nyin ntuge fye ta nya Shekwoyi ɓon. 3Kwo n fya nya fye ta bwan, ntuge fye nya n na bugba nukwoyi nu, fye ye nya nu n kwo ɓa ga fye agmada n fye nayi.4Fye wu ngye nyikwoza nu nwo to gaiciya yi nwo ɓa aban, woi ye nwo ɓa anuwuyi. Fye ta kpe lo ge nfya gyi nugundo n anyi yi, kwo ɓa zhin fye fya ze Shekwoyi anubayi n? Ma gna fye ndei fye ye anyig-mada lo, fye ta mi fya zhin Shekwoyi anugundon sai owo anuwuyi. 5Kwo fye gye ge litafi a gna ge na na, esa n kwa ci ncei ge Zafun Gyi-gyi-yi, n Shekwoyi wa dna wo n yi mi nyi, wo dna yi wye n Shewo manayiʼa? 6Ama wo gayi kala ci-ci n na bai ya gyi nasara, n na ɓo pwawo nukwoyi yi, shi littafi a da, Shekwoyi ga za nu kala n wo gba wohin tukwo, ama wo gyi minagyi n ʼzayi n wo zhin aɓokwo, woi gma.
7Ntucenu fye ga fyehin n Shekwoyi a kun ntna tukwo mwa. 8Esa n ha ɓe viwyi n Shekwoyi, Shekwoyi ɓa wo viwyi n hoi. Fye la abwana nfye a laifi, fya fa Shekwoyi wa nu fye abugba, wa ze ɓa agyi-gyi-yi, agaiciya da n wo aba. 9Fye ci bwi ntu na ɓonukwoyi ɓo n fye ku zhin, Fye wun bugba, fya wunwye, fye wun bugba to fya masan, maimakon a gmada, fye zhin bugba zhi-zhiyi. 10Nnavun, n ha gye ho akalagba n Dagayi aba, wo ɓa la hotu, wa gaho kala, wa bma ho zhin.
11Fye to ci aje wyegba, fya zan aje laifi zanshin, fya da aje ɓon, emi azaje. Nfya zhin lonu, fye sunkun n Shekwoyi wayi nu n kwo gna ge, fye ye n na jeyi nyi, fyei gna kwo to bmiya lon, ama, of ye tnu-tnu nu to fya kni, kwo owa ye bmiya lo kwo kwo to bmiya lon, ama fye vi kwo. 12Oza n wa zhin owaye nyi wonu ɓa mi wa da owa n yi atasin. Owo nu ɓa mi wa kni kwo wa wuyi kwo wo gniyi. Ntu cenu kni ikoyi nu n ho cei lo ha da owa, kwo ha zan za laifi zanshin a?
13Fye gye wye, ofye nfye cige, “Nna ye kwo n su yi ɓei lo ʼzhi deye, kwo ʼzhi dehi ya fi ɓo eye bwugyi, ya ze abwa ya gyi gyiba.” 14Ho kpe ɓeye lo n kwo ɓei zhin n su? Gama oho wye-wyeyi kpamwa wu ngye bwigye nu, hagye kwo nsaiye esa fyewyi kwo la duya. 15Nya n kwo kunce ha da okwonu nyi, “N Dagayi wa ye, yiɓa sase ya zhin deye kwo dehi.” 16Nto lonu, fye mwa fyehin tukwo nu, tukwo-mwa ye pya ta da Shekwoyi n.
17Fye pa ge, oza nwo kpe ɓemanayi ye to wa zhin kwon, kwo zhin laifi nu nwa ba.
Copyright information for
GbrGAW